所有嘢都Book晒 Confirm 咗，由成田機場出發去日本東北進發一路玩上去，18日....呢次嘅開支都幾大下，因為Ｄ日元不停係咁升，都唔識落返來，希望出發前跌返落來喇....
路線圖
交通:
今次Book咗架 Toyota 嘅 Prius 1.8 嘅混燃車揸，但係都幾貴，18日要成差不多萬六，家下重考慮緊用唔用返Ｄ車仔，因為相差都有成六千蚊到.......但係係香港又唔會揸呢一款車，所以家下心大心細，如果Ｄ日元唔係咁高，就唔洗諗咁多啦...
住宿 :
全程會以 SuperHotel同埋東橫Inn做膽，無呢兩間酒店嘅地方就會係 Jalan 到 Book。
食 :
去到邊食到邊，不過我要食仙台牛舌、鹽釜壽司、宇都宮餃子...其他見到想食就食
景點 :
都係行到邊睇到邊，我最鍾意周圍睇架啦....不過呢段時間有紅葉睇，順便睇下啦...
近排成日都見到有呢個叫"環保洗衣球 "係Ｄ報紙雜誌到出現，開頭見都要成四百幾蚊一個，但係就話可以用成年幾(都唔知係唔係真!!)，如果真係可以的話又幾抵喎。因為佢哋聲稱係唔洗再做洗衣粉同埋衣物柔順濟，如果係年中都慳唔少~~重可以為環境出一分力呀嗎 !!
早排去咗個家居展(本來成$20要錢入場，不過登記咗就唔洗 !)，入面都無咩睇，有Ｄ傢俬、電器....其中一個攤位就係買呢Ｄ環保洗衣球，見佢二百幾蚊就買來試下啦(佢哋話可以用成兩年喎!!)
如果想搵資料係到睇下喇...有幾隻牌子
我就係用呢隻，洗咗三次都Ok...Ｄ衫褲無咩臭味，著上身都OK...
不過我自己發現用呢一種洗衣球有一定嘅限制:
1. 唔可以多衫，因為要有足夠嘅空間俾佢攪動 (多衫Ｄ衫唔郁，做唔到效果)
2. 如果Ｄ衫比較污穢的話，洗衫嘅時間要長一Ｄ，理由係俾個洗衣球活化咗嘅水接觸Ｄ衫褲多Ｄ.....
