玩完呢個神秘道路之後，我哋就要向今晚嘅住宿地方到出發喇。我哋住嘅地方係係濟州中文觀光區附近，叫做 White Scenery ! 係去嘅途中經過一個景點，叫天帝淵瀑布，於是我哋就去睇睇喇，呢個瀑布其實都唔係好壯觀，唔知係唔係少水嘅關係呢~~~睇落去好普通呢 !! 不過都要行個喎....我哋睇完個瀑布，見到有得買菠蘿食喎，就一人買咗一支食喇，都幾好味喎 ! 呢個瀑布其實分咗三段，我哋只係睇咗兩個，另外一個重要行多最少15分鐘先到，所以我哋無行去睇 ! 之後就去咗我哋住間民宿到 Check in 喇 ! 開頭係網上面搵資料話呢一間民宿最攞命嘅就係條樓梯，果然唔野少呀~~~真係比較難行Ｄ...安頓晒Ｄ嘢之後就要搵嘢食喇，係網上面有人推介話有間食燒黑豚肉幾好味，於是我哋就驅車去食喇 ! 開頭都搵唔到~~好在有個電話號碼先至搵到咋(其實都唔知係唔係呢一間，但係個電話號碼就一樣) ! 我哋叫咗兩個五花腩加一個豬頸肉食，果然係五花腩好味Ｄ呀 !!
呢個瀑布都有幾個地方睇個喎...
我哋去嘅時候無咩水，條瀑布睇落都幾細下
出面睇落霧一片~~~韓國Ｄ天氣都係咁，去到首爾嘅時候重勁呀
呢Ｄ廟其實都幾具中國嘅色彩架....所以我覺得其實好耐好耐之後，韓國人都係中國人來嘅
濟州民宿 White Scenery，裡面設備齊全，重要係唔細個喎...
有電腦可以上下網添呀
重有個廚房可以煮下嘢...我諗長期租個Ｄ就會有用Ｄ，我哋都係用來煲下水架咋
呢條樓梯就係呢一間民宿嘅敗北之處，因為真係唔係咁好行~~~
外型都幾靚仔架 !!
呢一間我諗都係民宿來架，就係White Scenery 對面咋，不過無資料
一層有四間房，我哋就住係一頭一尾喇...
晚餐 - 燒黑豚肉
都好多本地人去食，我哋去嘅時間就唔見有其他地方嘅遊客啦
Ｄ菇原來燒完好好味架 !!
嘩~~~幾多嘢食...不過其實其他都係配菜來架咋
燒完就要包住來食，一Ｄ都唔覺得肥個喎...
景點資料 : (資料轉自韓國觀光社)
| 天帝淵瀑布 | |
| * 地址 | |
| 濟州西歸浦市穡達洞3381-1 | |
| * 簡介 | |
天帝淵，顧名思義，是“天帝之淵池”之意，瀑布分爲三段，周圍的溫帶森林有松葉蘭等珍貴的植物。第一瀑布（高22米，水深21米）所在的東方的岩石洞頂部有冰凉的水流下，目前禁止游泳。從瀑布飛流直下的水又形成第二、第三瀑布，幷最終流入大海。 天帝淵溪穀中有仙臨橋（雕刻著七仙女的拱形橋）和“天帝樓”等8處樓閣。仙臨橋也叫七仙女橋，是連接天帝淵和中文觀光園地的橋梁，長128米。天帝樓的外墻上有描繪天帝淵傳說內容的仙女圖和神仙圖。每偶數年的5月都要在這裏舉行七仙女節。 | |
| * 交通資訊 | |
 | |
| * 當地交通訊息 | |
| 於濟州國際機場搭600號機場巴士，每15分一班，車程50分，至如美地植物園下車，步行5-10分，於如美地植物園正門旁購票進入即可。 | |
| * 詳細資訊 | |
1.旅遊諮詢熱線:+82-64-1330(中) 民宿資料 White Scenery http://www.whitescenery.com/2008/main/main.htm 每晚每間房 35,000 won 大麥丘陵烤黑豬肉店(資料轉自 背包客棧 www.backpackers.com.tw) 보릿고개 翻譯成中文的意思是：大麥丘陵 地址：    
| |
16 意見:
想問紫色果碗係咩??
[版主回覆04/19/2009 22:30:00]係醃蘿蔔~~~~Ｄ味又OK個喎....
民宿個環境都唔錯喎!
[版主回覆04/19/2009 22:33:00]如果以日本俾，我覺得係超值添呀....不過就無包早餐 !! 但係真係好抵~~~
亞Ｂｅｎ，睇你啲旅遊網誌真係好正啊！
[版主回覆04/20/2009 04:58:00]哈哈~~~really...寫出來一齊分享都幾開心架 !! 妳寫Ｄ嘢都好好睇呀 !!
間民宿外型好靚，裏面都ok呀，不過上樓梯就慘d。我朋友喺首爾住嗰間又係上樓梯上到懵。BTW，佢番咗嚟，我收晒手信同我要買嘅嘢喇，好平呀!!!!!!
[版主回覆04/21/2009 05:11:00]首爾個間都行到懵....應該係Ｄ幾層高嘅民宿....不過我諗除咗樓梯，妳個朋友住個間應該都okay...因為韓國Ｄ民宿大部份都幾好。嘩~~~真係好平....後悔無買多Ｄ添呀
d菇咁大碌, 會唔會未熟就燶晒喇??
[版主回覆04/23/2009 19:32:00]係呀...真係好大 ! 開頭都有同妳嘅想法一樣，不過就咁放係到唔洗理佢，佢又唔會濃個喎....食Ｄ美味嘅五花腩，然後再食~~~嘩~~~諗返都留口水 !!
你地住果間玻璃小白屋, 好靚喎!
[版主回覆04/23/2009 19:33:00]夜晚重靚呀....呀...我記得我有影過夜晚個喎....找到再Post過出來 !! 呢間民宿，真係平、靚、正~~~值得推介俾大家 !!
一陣間又要食燒肥肉咯
算啦, 係要行下樓梯0者
咪當做運動囉
[版主回覆04/23/2009 19:35:00]哈哈~~~呢幾百級樓梯其實濕濕碎.....之後行山個日先甘 !
POST左的話, 通知我丫, 等我都睇下夜晚點靚法呀!!
[版主回覆04/24/2009 05:13:00]嘻嘻~~~搵都張相啦....
民宿好正呀,設備又齊全
[版主回覆05/07/2009 05:07:00]係呀!!!重要係好平喎 ! 每人都係港幣100多Ｄ咋 !
嘩,好美味呀,肥先夠香,同香港個D係唔係好唔同??
[版主回覆05/07/2009 05:09:00]係呀~~~其實睇好似好多油，但係食落一Ｄ都唔油，同埋Ｄ質感唔同香港食個Ｄ...食落你唔會覺得食緊豬肉
你好, 我地請問下民宿的資料,
1. 使唔使預早訂, 還是揸車去到先Walkin?
2. 每晚每間房 35,000 won? 是否上網訂既價? 須要deposit先嗎?
3. 我見有2種民宿收費, 你知唔知點解?
eg. Oceanhouse
Price in Oceanhouse is 160,000 Won ( http://www.oceanhouse.co.kr/sub03/sub01.html )
Price in Agent: 135,000 Won ( http://www.ymrentcar.com/CS/Goods/Lodge/detail.aspx?cid=950 )
4. 奇實我想預先問一問幾間民宿, 不過佢地接電話既都唔識英文, Email 咗又無覆, 到時去到先walkin, okay嗎?
Ray
[版主回覆05/09/2009 16:28:00]1. 其實如果唔係旺季，你哋可以去到先搵，但係要準備晒所有你想住嘅民宿嘅資料同地圖，方便去搵 !
2. 每晚35,000won係網上面訂架，唔洗 Deposit ! 但係你如果唔去以人哋又幫你留咗，你就要盡快話人知唔去 !
3. 有兩個價錢係因為有Ｄ係經Agent訂，你可以係個間民宿嘅留言板到留言話見到有呢個價，唔知可唔可以用呢個價Book佢間房呢 !
4. 通常佢哋都會好耐先至覆Email，你亦都可以係佢哋嘅留言板到留言話想Book邊幾日要幾多錢 ! 譬如 Oceanhouse 嘅 http://www.oceanhouse.co.kr/sub03/sub02.html ，你見好多留言，其實都係問緊Book房Ｄ嘢 ! 我睇個呢間 OceanHouse，都幾靚喎~~~但係留言全部都係韓文，有機會個屋主唔覆你都唔定~~~要有第2間嘅準備。好似Whitescenery嘅都有人用英文問 http://www.whitescenery.com/new/bbs/zboard.php?id=question_new ，如果個間真係再唔覆你，你可以試下呢一間 !
請問won35,000 係一個人的價錢還是一晚room charge? 留言時駛唔駛話佢知想要邊隻room ? 因為我見好似有幾款room 的.
thanks!
[版主回覆11/18/2010 19:43:00]佢哋係計面積唔係計幾多個人住架~~~所以個價錢係一間房計...以我之前Book呢個價錢係 9 平方尺...
還有, 是否free parking 的?
[版主回覆11/18/2010 19:44:00]係呀...免費任泊架..重有得免費上網添呀..
Thanks for your reply & information.
I have sent the message to them, they just replied that the room charge is 40,000won or 50,000won per room per night and the room just had a renovation.
Thanks !
[版主回覆11/19/2010 04:57:00]唔洗客氣 !! 可能加咗價都唔定喎...
thanks : ) 我最終都booked 一晚住 White Scenery :) 想問問你，其實由係西浦去 熊仔博物館係咪吾好好遠架咋？ 因我其中一晚住 the little france hotel (係西浦歸）再返返去 white Scenery 果頭的博物館，吾知係咪好遠。。。吾順
[版主回覆03/22/2011 21:52:00]妳哋會揸車嘅 ? 揸車的話其實就唔係好遠，濟洲島唔係好大~~~同埋妳講嘅呢一堆景點都係係濟州島西面，都幾近下 !!
p.s 吾知係咪物價高涱 ;) 我booked 了 14抨，now 要 50000W 不過都好抵住 。。。。。
[版主回覆03/22/2011 21:34:00]可能真係貴咗，同埋又係旺季呢~~~不過韓國Ｄ住宿真係好平~~
張貼留言