2009 日本東北自駕遊(4) 25.10.2009
好喇，我哋 Hae 到成九點半就出發去我哋今日嘅第一個景點啦 (往後嘅十幾日都無試過咁遲出發啦，因為太陽伯伯好快就收工，又好多景點無光嘅情況下係無嘢睇架....)。
好啦，睇下我哋第二日嘅旅程有幾多地方會去先...睇圖啦...總共係行咗221km架...都幾遠下個喎
好啦...出發喇，攪下呢樣攪下個樣都成9:45先開車
大約45分鐘嘅車程就到咗呢個景點，就係天皇の間記念公園，我哋一路去就有好多紅葉出現啦，不過其實有好多都開始枯黃喇~~~重有其他個都幾凍下，可能係係山邊到嘅關係呱。我哋去到嘅時間都有唔少嘅日本人係到進入去參觀，我哋兩個人係出面望下望下，最後都係無入到去睇，一來要俾入場費，二來呢一種嘅日本庭園式嘅建築我哋重會有得睇，所以我哋就係門口到影下相睇下附近嘅環境好似重靚喎~~~
去到嘅時候有唔少嘅日本遊客係到....
附近嘅樹Ｄ葉其實都開始枯緊
天皇の間記念公園附近景色
呢Ｄ係咪叫做萬綠松中一點紅(橙)呢 ?
指定動作....影返張到此一遊嘅相先
門口嘅景色
係個入口到可以見到重有Ｄ樹係好靚..(但係只係呢一棵咋~~其餘個Ｄ就....)
景點資料:
地址：栃木県那須塩原市塩原１２６６−１１３ 睇完呢個天皇の間記念公園，我哋就繼續驅車前往下一個目的地那須古怪美術館...但係呢個GPS幫我哋加插行程喎，帶咗我哋去浸腳同埋去睇咗一條吊橋喎 ! 其實係唔知點解個GPS有近路唔行係要兜個圈囉。揸住架車睇住個地圖行縮細先知原來係兜咗個圈，正當想話個GPS想徙我油之時見到有個地方有個足浴呢兩個字出現喎。嘩吓~~咪講少兜入去停低浸下先，還掂又唔洗錢嘅 !! 但係呢，就好多車停晒係到囉，揸車最唔想遇到其中一件事就係等位，好在好快就有個位有得停啫(但係其實呢個都唔係位，我見有個人停咗係係車位嘅隔離見唔阻人我咪有樣學樣囉 !! 停低咗就去個足浴到浸下腳係~~~真係好舒服嘅呢 !! 我哋浸咗大約10分鐘到就走人喇，浸完成個人暖晒~~跟住臨走嘅時候又見到有條吊橋幾靚喎，影返幾張相留念下先 !! 嘩~睇下外邊嘅溫度得12度架咋 見到足浴呢兩個字我哋到不知幾開心呢~~~ 咪講笑浸下腳先 !! 呢個足浴嘅溫度都幾高下架，你哋睇下出水個位置煙霧迷漫就知啦 原來呢到叫塩原溫泉區.... 附近有條吊橋可以行返去天皇の間記念公園附近架 條橋都幾靚架...重有唔少遊客添 橋下面嘅河，附近Ｄ樹都變晒色啦 景點資料: 塩原溫泉足浴 & 吊橋 呢個景點係無資料架，附近就有間"塩原郵便局"，將呢間郵便局嘅電話入去GPS應該可以搵到呢個浸腳.. 地址 : 栃木県那須塩原市塩原２５４−８ Tel. : 0287-32-2800
5 意見:
d紅葉枯得咁快嘅，其實呢個地區幾時開始變紅ga呢？
[版主回覆12/07/2009 05:03:00]呢個地區呀...睇資料話九月中就開始有紅葉，所以其實我去嘅時候已經係水尾喇...
紅葉好靚呀!
[版主回覆12/07/2009 05:04:00]係呀...成個Trip第一個行程睇紅葉都唔錯，但係唔係最紅...最紅個Ｄ睇落去有Ｄ假假哋架，唔似真葉咁
呢道Ｄ風景真係超靚..
[版主回覆12/08/2009 06:10:00]嘻嘻..係呀 !! 妳都就快出發喇喎...Ｄ日元跌返落來喇
Make me crazy..... all the ticket on CNY super expensive....I cancel the "Fukuoka" & "Kyoto"plan already, hopefully can go to Japan on March to March 2010...
[版主回覆12/08/2009 06:11:00]hehe....don't be disappointed !! You still have a lot of chance to go to Japan !!
日日都好快天黑呀,d時間好唔見洗!!
[版主回覆12/14/2009 04:53:00]係呀...所以攪到日日都要好早起身 !! 又好早瞓覺呀~~~好在東北無咩夜街行嘅啫
張貼留言