但係價錢呢...唔平同埋係好少自動波，雖然我識揸棍波車...BUT...我係異國揸咁多次車嘅經驗話我知
就算你係香港日日揸棍波車都好，係第二個國家揸自動波會好D
點解呢..
人生路不熟，睇路牌睇GPS會分心，係一個陌生環境揸車，
重有就係有時去D國家係會左軚，又係會有唔慣，顧少一樣嘢得一樣嘢好
有時D GPS 唔知攪咩鬼會帶你行埋D村路、山路同埋D好難行嘅路，我都瀨唔少嘢。如果係行山路，好有機會係單線雙程行車，遇啱有對頭車你又要倒後，一時未適應左右軚嘅方向，又會好容易出事
講返今次我首先當然搵 Hertz 、 Avis 、 Europcar、Thirty...但係個價真係唔正囉，重要係無咩自動波揀
咁我就唯有試下用 Google google 一下啦...
打 Croatia Car Rental...嘩吓...一大堆俾我揀
又試過打 Croatia Airport Car Rental ，因為我係機場攞車呀嗎...
出現嘅都係同先前 Google 差不多，但又多咗D選擇
其實我睇咗好耐都未Book D車，因為呢D租車公司唔係好似個幾間大公司咁可以 Free Cancellation..
要收個D唔知咩 Handling Fee (都無嘢做過，都唔知佢 Handle 咩)
所以我鎖定咗車嘅級別後，一路都係睇住有無D更加好
個租車金額由最初嘅成九千幾蚊，一路去到我 Confirm 個日變咗做五千幾蚊..正
而今次我係經一間，我諗可能係中介公司囉..
佢會搵晒所有租車公司嘅車出來，然後俾你揀適合嘅車款
http://croatia.rentalcargroup.com/
佢個系統都幾好，可以揀自動波車顯示出來
重可以將啱你心水嘅車 Email 俾你 Keep 住..
呢一間嘅租車，我發覺越遲租D價錢真越抵..
最後呢一間中介公司入面我揀租車個間 Croatia Oryx
點解租呢一間呢，因為佢可以揸車跨境，事關我哋要去 Slovenia, Bosnia and Herzegovina and Montenegro
而呢一間又唔洗收任何費用喎...不過先前我都要 Email 去呢間中介公司問下我租呢架車可唔可以跨境，同埋洗唔洗事先做D咩申請
呢一個區域做跨境D車係要一個佢哋俗稱Green Card 嘅文件，其實即係係可以進入駕駛嘅國家入面買咗汽車保險咁解
而我揀嘅係 Volkswagen Golf and similar ，貪佢夠慳油同馬力勁，因為遇計有機會會行Ｄ又窄又斜嘅路
最後佢哋係俾咗架 Volkswagen Passat Diesel，高一個級數重要係 Diesel ，正...
開頭諗住 Diesel 車咪可以慳好多囉，唓~~原來佢哋 Diesel 同 Petrol 差好少好少...
克羅地亞以外個Ｄ直頭係一樣價添....
不過呢一架車都真係幾豪華，我哋呢D鄉下仔未揸過唔知
開頭停車發覺點解無 Hand Break 嘅..咁點算呀大佬，成程踩住個 Break 咩...
原來係...佢停低咗N波係會Auto Break...Wonderful....
重有就係馬力十足，超車個一下...嘩~~~好爽...
泊車又有導航，有晒前後左右感應器....
不過呢架車個殼都花咗唔少，一個唔留意就會以為自己瀨咗嘢，
好在我影定相睇下係咪我瀨啫
去到最後都係平安無事
去咗咁多次自駕旅行，都有一D裝備
GPS
好開頭去日本時基本上係唔洗租嘅，因為日本好多都係租車時俾埋你
但係去土耳其自駕個次，一定要有GPS啦，
發覺我租成十幾日都成千幾兩千蚊，我去鴨寮街買一個一千蚊都唔洗就可以自己擁有一個
重可以事先搵定嘅住宿同埋景點位置，不過我買個時係無得Update D Map同其他資料
要自己去D GPS 網站 Download
但係近排有Blog友買咗話可以上網Update，咁又幾好喎...
Car MP3 FM Transmitter Player
係異國揸車開Radio 都係播佢哋本地嘅嘢，播碟你又要燒好多隻(不過家下有Ｄ車款可以直接播DVD MP3，咁就好D，但係你唔知有無架嗎)
咁咪買咗個 Car MP3 Player 囉，係可以用 SD Card 播 MP3 ，不過係要經FM Transmitter去車個FM到收，有時會受到當然頻道影響收得好差
好在家下D車好多都有 Aux in ，可以插入去完全唔受FM頻道影響
Car Recorder
呢一個係係去完土耳其自駕之後去嘅旅行買嘅，因為個一次土耳其自駕真係行好多驚險嘅路，又行 Rally 路又見到有反車...好深刻
所以想將D嘢拍低...
車用分線器
因為有咁多嘢要用汽車電，所以就要買多一個分線器，唔係真係唔夠用
外表睇係咪好靚仔呢...
左 : GPS 右 : Car Recorder
分線器 & Car MP3 FM Transmitter
今次行咗2,295 km，用咗 HK$1,965油錢
計返都係 HK$0.8/km ，都叫做幾抵，話晒都係 2,000 c.c 嘅車呀嗎
每日大概用 HK$120 油錢到...
14 意見:
thanks sharing!雖然我不懂揸車,仲要自駕遊,不過知道點租車同點至慳錢都唔錯!
[版主回覆04/23/2012 08:52:07]哈哈~~~同大家分享下
咦咦？我又無諗過自己買個GPS啵，好提議！話時話，點解你可以blog得咁快？！
[版主回覆05/03/2012 21:08:55]哈哈~~因為我耐唔耐就去行鴨寮街，見到有呢Ｄ嘢買，咪諗到囉 !!
點解，嘻嘻~~因為呢一次都幾 Hae ，好多時間都係間 Apartment 到...
等緊妳個南美呀...
嘩.... 我好耐無上過嚟 yahoo blog 啦!!!
亞 Ben 你依然有好嘢同大家分享, 正!!!
支持你啊!!!
[米雪兒回覆07/08/2012 18:16:36]都無乜特別地方去過喳...... 都只係志在行開吓咁喳...... 只係翻炒咗一啲旅遊熱點咁咁喳 ^^
[版主回覆07/08/2012 17:05:30]哈哈...過去咗就無問題啦...
我呀~~呢排都無去過咩地方咁呀~~有都係年尾啦
妳呢，有無去邊到玩過來呢 ?
[米雪兒回覆07/08/2012 16:04:51]近排（呢幾個月）都發生咗幾多事，不過都已經過咗去...... 希望啲好運快啲返返嚟啦！依家好啲，無之前咁忙啦！
你又點啊？最近又去邊度去旅行啊？
[版主回覆05/14/2012 05:27:53]嘻嘻~~被近排點呀 ? 忙嗎 ?
謝謝分享~ 祝你有個愉快週末~
[版主回覆05/20/2012 09:12:39]多謝參觀
Ben 哥,我想請教你download法國GPS map 嘅。不過就post咗去土耳其自駕之旅 (22) 度! 請幫忙 可否解答！
[版主回覆05/23/2012 21:18:05]嘻嘻...答咗你..有問題可以再問我...去法國邊到呀?
好勁呀！無黎一排原來已經變左旅遊達人，好羨慕啊！我要抽空追返你啲網誌，睇左當自己去左！哈~
[版主回覆05/25/2012 05:55:36]嘻嘻~~咁妳得閒就來睇下，家下重有兩個國家未寫好呀...
想請問師兄在克羅地亞和斯洛文尼亞揸車，用國際駕駛執照是否已可以？ Thanks！
[版主回覆05/27/2012 13:36:45]係....我係克羅地亞租車，佢哋有Check個國際牌，係斯洛文尼亞就無人Check過...過關都無問，只係Check架車有無 Green Card
Blog主你好，我地book咗九月自駕遊去東歐但時間有限，想問吓Bosnia值得去d定Slovenia?
由Croatia 去Bosnia嘅路線係邊樹搵呢？Google map好似唔support 到。Thanks:)
[版主回覆07/14/2012 18:53:05]家下鴨療街有隻ONDA嘅牌子，有網友用過都幾okay喎...
http://blog.yimg.com/3/LANobk97s5_gyqvaOsucFOBM6fuJrmXPMX6DgmjBYBPEq.0l5WDD2w--/58/o/twksd_Q9AWEx2E8Jnkixag.jpg
地圖基本上妳買個時會有...不過最好準備定一個地點，買個時試下入落去睇下搵唔搵到..
[Debbie0George回覆07/14/2012 17:29:42]你好Ben哥，想問下邊個牌子嘅GPS準成d同搵星快呢？同埋入地圖入個GPS容易嗎？ Thx Thx!
[Debbie0George回覆06/01/2012 23:24:57]多謝你嘅寶貴意見啦！
[版主回覆06/01/2012 22:21:26]如果得一個人揸車而佢又會覺得自己好辛苦就唔好咁趕，就係早Ｄ出發~~但係唔好玩到咁夜...不過如果跟住個日嘅車程唔遠的話就無咩所謂~~可唔可以h係 Sarajevo ，你哋 Book 車個時就知，不過我啱啱睇過一兩間好似無得係 Sarajevo...建議你哋都係係Croatia 租車同還車會好Ｄ
[Debbie0George回覆06/01/2012 08:15:22]多謝你嘅詳細意見, Ben, Thanks!!
因為車手得一個所以唔想太趕。 同埋煩緊點樣可以舒服d玩完Sarajevo後返Frankfurt坐機返HK。係Sarajevo還車飛去Frankfrust,定揸返去Zadar先飛，但怕唔可以係Sarajevo還。
[版主回覆06/01/2012 05:59:51]重有如果租車個到你哋可以問定要去嘅國家可唔可以揸車，問咗可以去如果最後Plan個時去唔到都無問題，但係如果無問到而又最後係Plan到去的話就會麻煩咗
[版主回覆06/01/2012 05:57:37]其實你哋可以去晒 Bosnia 同 Slovenia..因為 Slovenia 睇下 Lake 同埋個湖中教堂同埋溶洞...Bosnia 家下Ｄ人只係會去 Mostar (0.5 day) 睇橋個個位，Sarajevo (0.5~1 day)市內參觀~~~Zagreb 睇市中心 (0.5 day)、Ronvinj (0.5~1 day)、十六湖 (1~1.5 days)、Split (0.5~1 day)、Dubrovnik (1~2 days).....重有就係想知你哋會唔會去Croatia嘅外島，如果去時間就會好趕~~~
重有就係你哋想精華遊，定係唔咁趕嘅玩法 ?
[Debbie0George回覆05/31/2012 22:21:17]我地會係Zagred至攞車，因為怕Hungary d車過唔到境:(
[Debbie0George回覆05/31/2012 22:16:28]我地8/31晚飛，9/15下午返香港（頭尾14.5曰）
Budapest入，Frankfurt走
路線 3 days Budapest
7 days Croatia ( Zagred, Rovinj, 十六湖，Split,Dubrovnik )
2-3 days Bosnia or Slovenia
[版主回覆05/31/2012 21:46:07]九月...開始入秋...唔...去Slovenia主要睇 Lake Bled、Lake Bohinj同埋Postojnska Jama，Bosnia 就睇 Sarajevo 同 Mostar 嘅戰爭遺跡，想知道你哋由邊到入邊到出，去幾多日 ? 地圖可以用
http://route.tomtom.com/
http://map.hak.hr/en/
http://www.viamichelin.co.uk/
油很平，低玩
[版主回覆07/18/2012 19:59:08]Ok啦，不過就方便過搭公交好多...
我想請教下: 自己係鴨寮街買GPS device 係咩牌子好? 你邊間舖買呀? 大約幾錢一個? 咁返到屋企自己download 克羅地亞的地圖? 係邊個網址.... 唔好意思... 咩都唔識.. 希望你指點下....
因我地9月都打算自駕遊克羅地亞10日.... 好期待呀!
我想問下係michelin check 的車程是否通常都準呀? 我預備第1日一落機就由zagreb 機場開車到Bled, check 左都係需要2.5小時.. 唔知堅定流呢? 因睇地圖好似都幾遠咁...
[版主回覆09/01/2012 16:15:02]都可以係Shamshuipo 買到，其實係Ｄ買汽車用品Ｄ舖頭都有得買，重有黃金商場同埋買電話配件嘅都有得買~~不過你要睇下佢Ｄ輸出係幾多~~因為有Ｄ可能未必夠供應咁多個輸出，但係一般一出二應該都無咩問題~~~
呀~~重有，有Ｄ分線器係有USB輸出嘅，可以用來插 iphone..
有問題再問我啦...
嘻嘻~~玩得開心Ｄ啦，有相睇就重好啦..
[BlueBlue回覆09/01/2012 12:56:22]hi.. ben...thanks for your help.. finally i bought E路航 GPS device which recommended by the staff there.. hope everything will be smooth..
feel very excited since i will start my journey 2 weeks later...
btw.. i also bought a iPhone FM transmitter.. 但因GPS device 都係要插入點煙位义電.. 咁係唔係有1開2的splitter for 點煙位用架? do you know can it buy at Shamshuipo? around how much!?
[版主回覆08/11/2012 10:23:14]基本上所有嘅叉電都可以插嘅..重有發聲個個好似有，我唔係好記得..但係會有提示嘅
[BlueBlue回覆08/11/2012 01:00:25]唔好意思..個GPS 會否好否發聲架? 我記得法國那次.. 去到近100m 轉右個GPS 就會叫你Turn Right... 唔知強國那個會否一樣?
[BlueBlue回覆08/11/2012 00:58:29]Ben.. 我預備呢1,2 日去深水埗買GPS.. 買問多句是否個插頭位都一定岩咭落去外國部車架? sorry.. i have no car in HK.. not familiar.. 插係車度邊個位呢!?
[版主回覆08/06/2012 06:17:28]個 Coordinate 係輸入地址嘅一種，如果Google Map 個個位置係無錯的話應該會準過入地址嘅，我都覺得自駕幾好，家下已經係去親旅行都係自駕喇...
強國個個可以入地址同埋Coordinate 去搵，呢個係 program 嘅問題
Tasmania 好正，真係要去一去...記得去摘士多啤梨
Dubrovnik 個間住宿係叫 Old Town View Apartments
http://www.booking.com/hotel/hr/flat-dubrovnik.en.html，位置係舊城外圍，有車位，行落去舊城10~15分鐘，行返去就要15~20分鐘，因為要上少少斜
係 Rovinji 我就泊咗架車係間 Apartment 到(Apartments Romano)，然後踏單車去Town到睇嘢，Ｄ單車係館主嘅..
係Mostar 個間就遠離咗Town少少，不過其實如果好天的話，呢個位置都幾好，但係就無得煮嘢食，有得Parking ( Pansion Rose)，比較簡單，住無問題~~
[BlueBlue回覆08/05/2012 22:07:08]呀.. ben.. i just saw your 係dubrovnik 住宿個景好得! 請問係邊個hostel? 有冇information? 我呢2日已勁上網選... 都有2-3間覆.. 但一係太遠, 一係景觀朮朮地... 你那裏可否free parking? also.. where is park your car at Rovinji too? Can you provide me your hostel too at Mostar? Really thanks a lot!
[BlueBlue回覆08/05/2012 19:39:52]南法係幾年前啦.. 個度自駕好好feel 呀... 我係由法國東面一路開到南面, 途中去mont blanc 都要經一經瑞士... 諗返都好好玩..
我想問下你個一組coordinate 要來做咩架? 入落gps? 我記得日本通常就打電話no 去search, 法國好似係打英文地址.... 咁祖國呢個GPS 呢?
我估我應該會買... 因我都很喜歡自駕去旅行... 希望遲d 可以去Tasmania too...
[版主回覆08/05/2012 16:48:58]唔洗客氣，應該係$1000樓下一定!! 準確情度都叫Ok...不過你最好係 Google Map 到搵咗每一個景點嘅 Coordinate 即係個Ｄ (38.382036,34.735233) 嘅數字，你係 Google Map right click 個個想去個 Location ，會出現"這是什麼"，一click入去就會係上面出現呢兩組數字...
去外國揸車，我強烈建議你租自動波，貴Ｄ都係咁話~~~
重有如果你一定會用 GPS 的話，你去得十幾日，個租嘅錢基本上係可以買到一部GPS架啦...
重有就係你買咗的話，可以預先入定去嘅位置同埋住宿嘅位置，重可以玩熟Ｄ個GPS系統添...
咦....你去完南法玩來呀 ?
[BlueBlue回覆08/05/2012 15:37:55]真係唔該哂BEN, 請問價錢係唔係約$1000可以搞拈架? 我想問下個準碓度係唔係都ok 架? 其實我以前試過自駕, 係日本同法國, 法國那次好好彩因租自動波去到Sixt 話冇, 咁就upgrade 了架benz auto 俾我, 好彩有內置GPS... 唔係去南法d 小鎮實死硬.... 我見maple 係Croatia 租的GPS好似流流地咁... 所以諗下香港買會不好d 呢?
[版主回覆08/05/2012 15:26:55]去鴨寮街買GPS ，最近有網友買咗一隻叫Onda嘅牌子，通常都係強國貨，應該有好多間都有得買，問多幾間先買啦。到決定買個間你就同佢講要去埋歐洲嘅，佢哋都會Load埋個Program俾你(通常都係igo)，咁你就試下攞係Bled到住嘅酒店地址入落部機到Serach下啦。重有佢個網友講話家下可以上網Update地圖，唔洗自己去Download個喎
網上地圖muchelin 個個都幾準，不過佢係無計算到其他嘢嘅，你就通常要將佢預計嘅加10~20%落去就差不多
Ben: 剛剛有朋友撩我10月去立山黑部, 我就立即去你個blog 睇吓有冇資料可以參考, 果然有, 你有去過, 點知原來你還未寫. OH!
[版主回覆08/24/2012 05:49:58]嘻嘻~~其實係未去
勁呀, 你已經自駕到歐洲了 ~~~
噢 ! 差點忘了, 聖誕快樂呀 !
[版主回覆12/30/2012 01:17:03]嘻嘻~~係呀 !! 因為亞洲都無咩地方可以去囉...
Hi Ben, 你有關租車的資料很有用, 謝謝!
我和三個朋友將於6月9日到Dubrovnik, 跟住去Budva (經 Kotor) -> Mostar -> Sarajevo -> Split -> Hvar or Trogir (未知邊個好D) -> Zadar -> Plitvice -> Zagreb -> 22/6 返 HK
有幾個問題想請教你 :
1. 你說越遲租車越平, 不過我們6月是 peak season, 是否應該早D BOOK車, 穩陣D ? 好似當地比較少自動波車.
2. 我們應該帶 US$ or Euro 過去使比較方便?
3. 由Dubrovnik去Kotor & Budva的路況如何? 要揸幾個鐘先到 ?
4. 為了省$, 我打算不在Dubrovnik airport 取車, 等出發去 Budva 那天才在Dubrovnik downtown 取車, 你覺得這樣可行嗎? (可節省兩天租車$, 反正在 Dubrovnik 只用腳就搞掂)
Thanks!
[版主回覆03/26/2013 08:03:10]噢!唔好意思，個Yahoo Blog無話我知有人留言添...家下先見到..
1. Peak Season 租車應該會緊張少少，如果你見到啱心水嘅可以租咗先，因為你哋4個人要租架大少少嘅會好Ｄ，如7人車。7人車唔知多唔多自動波~~所以如果你哋機票確定咗日期，之後就要Plan路線、搵住宿、最後先搵車....搵車個時如果你有時間就比較下幾間先租啦~~
2. Euro 會比較方便Ｄ，因為可以用Euro唱返當地貨幣
3. 大約兩個鐘到(呢個係唔搭船嘅，搭船會快Ｄ，個Ｄ船可以成架車揸上去，都幾過癮)
4. 應該無問題，只要你哋搵到租車公司就得....唔租車，搵住宿嘅選擇重多Ｄ添...
唔該晒阿Ben!
我們已訂了機票, 搵咗幾間住宿，Easter期間再搵埋車同其他住宿。
[版主回覆04/11/2013 06:20:39]正...
張貼留言