Toyota Auris Hybrid Launch Gala Dinner (登場晚會)

早前玩咗個遊戲，係關於 Toyota Auris Hybrid 嘅 !! 贏咗嘅人就可以參加由皇冠車行舉辦嘅Toyota Auris Hybrid Launch Gala Dinner (登場晚會)，除咗我哋之後都重有另外兩位邀請出席呢個晚會。呢架車主要係由日本設計，英國生產，聽講呢架車係歐洲好買得。而 Hybrid 設計已經係 Toyota 成熟嘅技術，所以呢一架車係設計上面我諗應該會幾好，不過未揸過其實唔知到操控係會點樣。其實我都係揸過 Hybrid 車十幾日咁，個次係因為去日本自駕租咗架 Prius 1.8 來揸。第一次揸 Hybrid 車感覺都特別，車又靜又慳油，重要佢嘅馬力都唔係講得少，上斜路可以要幾多有幾多~~~

講返呢個晚會先，主要係介紹下呢一架車，重有餐歐陸 Dinner 食添，重要由美女廚神Kit Mak設計咗幾款別出心裁嘅歐陸菜式，都幾好食架 !!

不過食用嘅時間就長咗DD囉，個甜品無食到添，因為住得遠所以都無辦法啦~~~我諗應該都會幾好味。未食嘢之前可以睇下架車，呢架車個外型有D 似同廠嘅 Hatchback，都幾型仔~座入去感覺就唔係好迫，後座座落都幾好 !!

據聞呢架車開售會係25萬幾，唔知會有幾多人有興趣呢 ? 同場有位經理介紹咗呢架Auris 車嘅特點同埋好處俾我哋知~~重要有抽獎遊戲添呀，不過我哋就抽唔中呀...

 
架車外型都幾靚仔
  
入面嘅佈局有D似 Prius 

中場休息睇下架車副偈先