2010 土耳其自駕之旅 (72) Day 10 - Kizkalesi @Anamur

30/10/2010 Day 10 (Today is my Birthday Day……………hehehe…………)

Alanya > Mamure Kalesi
> Cemmet Cehennem (搵唔到) > Uzuncaburc (搵唔到) > Kizkalesi
> Mersin (Icel)

 

Cemmet Cehennem@Silifke
& Uzuncaburc @Silifke(搵唔到)

Kizkalesi @Anamur

睇完呢個城堡之後，我哋就驅車去 Silifke 到睇幾個景點，一個叫Uzuncaburc，呢一個係一個遺跡來嘅，呢個遺跡特別嘅地方係一座高5層有22m高嘅塔，家下重係發掘緊。另一個叫 Cennet Cehennem (天堂與地獄)，聽個名都覺得好吸引啦，其實係一個洞穴，但係就非常險峻。根據神話記載，宙斯將半人半獸嘅妖魔Typhon關咗係呢個地方到，傳說冥界入口嘅 Cehennem係一個好似天堂咁靚嘅大峽谷，但係呢到就無辦法向下行嘅 !! 由呢個 Cehennem 沿住條路行300m到，有個 200m 長，名叫 Astim Magrasi 嘅鐘乳洞。重有位於天堂與地獄間嘅 Narli Kiyi 係個非常美麗嘅海口~~~

我哋入咗D資料入去個 GPS 到，但係又係係到兜來兜去，重要係D山路到行來行去添，搵極都搵唔到喎。之後就順便去入下油，又問下油站D人知唔知係邊，唔知佢唔明我講咩定係點，跟佢哋嘅指示都係搵唔到個景點個喎 !! 我哋沿途其實都問過唔少土耳其人架啦，但係最終都係搵唔到喎，重有就係見行個D路又唔係好對路，即係呢~~又係個D泥路，不過好在今日天氣好，如果唔係我就一定會好快走人。最後，個兩個景點Uzuncaburc同埋Cennet Cehennem都係無去到架，真係有D可惜。

之後我哋就去咗個 Kizkalesi (少女之城)，呢個少女之城又有一段故，其實係一個悲慘嘅傳說，曾經有一個國王，由於佢個女被人下咗詛咒旨被毒蛇咬死，所以佢為咗保護個女，就將個城堡起咗係個海上。不過，D毒蛇竟然藏咗係D放葡萄嘅籠子裡面，最後國王個女都係被毒蛇咬死嘅。

呢個城堡係海中心，我哋只可以係岸邊到遠距離咁睇架咋，但係就咁睇，又覺得呢座城堡又好似保存得幾好咁喎 !!

去少女之城途中 

呢個海灣好靚呀... 

可以用藍天碧海來形容眼前嘅景象 

少女之城，係正海中 

唔知架船係咪可以搭船上島到睇嘅呢 ? 

係個海灘隔離又有一座城堡