2012 捷克、奧地利、匈牙利自駕之旅 (17) - Day 9 (2 Nov 2012) Landhaus Osborne(Obertraun) > Vienna

Day 9 (2 Nov 2012)
Landhaus Osborne(Obertraun) > Vienna 

然後就開始我哋Vienna 半日遊，係 P+R 停車場附近有一個 Metro 車站，我哋泊好車，係到睇地圖點去個車站個時，有個外國問我洗唔洗幫忙，我就話要去個個車站，然後佢就指住一個方向話向個邊行就會到，原來個車站就係個停車場隔離，真係好近。

個車站其實係U3 線嘅Ottakring站，我哋入到去個車站到就去買咗張24 hours 車票，咁就可以任搭啦~~我哋第一站當然係去市中心到睇個聖史提芬大教堂同埋個聖史提芬廣場，順便係附近個到食Lunch。我哋去到個聖史提芬大教堂就見到人頭湧湧啦，重有好多著住成套教士衫嘅人係到Sale D唔知咩套票。

睇完個聖史提芬大教堂之後，我哋就去搵嘢食啦，見到附近有幾間嘢食，其中一間係食日式嘢嘅，於是我哋就揀咗呢一間食Lunch啦，我哋叫咗一個炒飯同埋一個炒麵，味道都唔錯嘅~~食完之後我哋就去睇埋其餘嘅景點啦，有

霍夫堡皇宮‧Hofburg

感恩教堂‧Votivkirche

瑪麗亞特瑞莎廣場‧Marie Theresien Platz

維也納國家歌劇院‧Wiener Staatsoper

音樂之鐘‧Ankeruhr

百水公寓‧Hunderwasserhaus

國會大廈‧Österreichisches Parlament (The Austrian Parliament)

市政廳‧Rathaus (Old Town Hall)

呢一個Vienna其實真係可以一日就睇晒D景點，不過我見有D網友會聽埋音樂會嘅，所以佢哋會留多一至兩日。我哋睇咗咁多個景點，其中個百水公寓我哋覺得最特別，不過我哋去到個時個天都黑晒，如果係有陽光情況下應該會好好多。不過我哋去到個時其實都重有好多人係到，係呢個百水公寓個到有個商場，入面嘅設計都好特別，重有就係個廁所都好特別，不過我哋就無幫襯~~

睇完晒D嘢，都原來差不多成6點，又係搵嘢食嘅時候，我哋係去搵酒店個時，見到係酒店附近有間McDonlad，所以就諗住係個到開餐，但係其實附近都重有幾間嘢食嘅，其中一間係買中式嘢食嘅。不過最後我哋係食McDonald嘅~呢一間McDonald重要有麵食個喎，我哋叫咗個 BigMac餐同埋一個麵，個麵又真係幾好食個喎~~不過香港就無得食啦~~食完嘢就返去酒店休息，呢一間房個廁所企缸重要係去唔到水嘅，所以我哋覺得呢一間酒店係全個旅程中最差嘅一間~~

嘅泊完車就去搭Metro，當然要買飛啦..

入閘要打飛，唔係俾人捉到就會罰得好金

24 Hours Pass

聖史提芬大教堂

食返個Lunch

又係黑死病嘅紀念像

皇宮

國家歌劇院

感恩教堂~~又係裝修緊

市政廳

國家歌劇院

音樂之鐘

百水公寓

晚餐...麥當當..有麵食架..

維也納住宿...

停車場飛