19/5/2013 Day 3
MoMo House > 東山古寺 > Lunch@南澳建華海鮮酒家 > 南澳咸魚街 > 觀音山 > 龍巖古寺 > Dinner＠深圳香格里拉酒店香樂園
之後就直上呢個龍巖古寺，嘩～～查實如果無車上，行上去都要15～20分鐘腳程 !
我哋差不多成4點鐘先到呢個龍巖古寺，呢間寺到幾多人參拜個喎，香火都幾鼎盛，本來我呢就想行下山嘅，不過呢就得我一個人行，行嘅話最少都要30分鐘，所以最後都無行到 !!
係古寺入面供奉咗觀音，而呢個觀音就放咗係一塊大石嘅下面，呢塊石真係好大舊～～之後我哋就行去石上面睇下啦，原來呢到重有得向上面行嘅，睇地圖呢到係觀音山公園嘅範圍入面。呢到都幾多人行，我哋一路上都見到有人行緊落來，不過行行下發覺好似要行好耐所以就掉頭走人～～
睇完呢個就差不多成5點，我哋就要返去深圳食晚餐，今日嘅晚餐係會去深圳福田香格里拉酒店嘅香樂園，試下有幾好食先。
酒店食嘢真係幾貴，每人最少係RMB$10茶位先，之後唔知係唔係因為禽流感嘅關係，所有嘅雞、鴨、鵝嘅餸都無得食，連雞蛋類都無埋。重有見到有人寫食評話呢個東坡肉好出色嘅，但係呢個餸又係無咗，根住重有個扣肉又無埋～～好在重有個豬手幾好食～～如果唔係就真係唔抵啦～～埋單要RMB$2962，真係幾貴下，平均要成 RMB$165 一個人～～
好啦～～話咁快就玩咗3日，真係過癮～好在班親友們都滿意呢個行程。咁走嘅時候大家就各自歸家，我哋就用落馬洲過關，嘩～～今日唔知係唔係第3日嘅假期結束，好多人過關，咁啱班親友們由排錯隊去咗Passport個邊，所以攪到遲咗成個鐘先返到屋企～～
3 意見:
I see you were eating something like 菊花酥 with 奶黄 filling as dessert ?
Very much appreciate your sharing of travels !
[版主回覆06/03/2013 20:44:54]個個其實係流沙奶黃包~~不過我都係覺得香港個Ｄ好食Ｄ，呢一個就食佢嘅手工...
其實大陸真係好多好野食!
[版主回覆07/02/2013 15:57:02]係呀...價錢重要唔係太貴...
個月亮係豆腐?
[版主回覆07/17/2013 05:32:43]不是...
張貼留言